عذرا لكم جميعا …. سوف اقوم بالامتناع عن الكتابة لاسباب شخصية ولا اعرف متى اعود اتمنى ان يظل الجميع بخير

على بالك علطول ونسينى وبالك مشغول

فقولت مالك سايبنى وحدانى وبتبعد عنى يوم عن التانى

سئلت الناس كلها مالك ردوا الناس وقولولى ده انانى

ومبيحبشى غير نفسه وبس وما فكر فى انه يحب حد تانى

مشيت ورا قلبى الى هواه ومفكرتش فى كلام الناس

قولت اهوه حب اعيشه ويمكن الاقى من وراه هواه

لكن اتصدمت فيه صدمة كبيرة مكنتش مفتكر انى اتصدم فيها

واتخدعت فى المظاهر والجواهر والنقوش …..

خسارة عليك بجد خسارة مكنتش فاكرك انانى كدا

لكن اتغريت فى نفسك ومش هقولك غير خسارة

خسارة خسارة

سوف يتم التوقف عن التدوين لاسباب شخصية ولمدة غير محددة وشكرا

ابكى ياقلبى

دلوقتى مش هسمحك دلوقتى راجع تفتكر حد جرحك

خدت ايه منه غير جرح وعذاب

سمحتك كتير ياما قولتلك انك هتفرح يومين وتحزن سنين وسنين

مسمعتليش كلام وقولت الحب هو فرحه الايام

اديك رجعت لوحدك من مشوراك وادي اخرت المشوار

هتبكى عليه سنين وايام ولاهوفى الايام

ولايوم حس بيه ولاحس بشوق عنيه

مشورا احزان مشورا حرمان اديك اتحرمت

من الحب والحنان واديك هتموت مع الايام

ايام هتجرح فيه وايام هتدبح فيه

شوف كام ذكري سبهالك شوف كلام هيتعاد لك

ياترى هو فكرنى ياترى هو حبيبى ولا كان فى يوم حبيبى

ياترى هقدر انسى هنسى ايه

انسى جرح غلبت ادريه

ما اجملها مقولة تعجب النساء دائما وكانوا يحاربون للوصول اليها وبالفعل تم الوصول اليها ولكن لها اثارها السلبية الكبيرة .

ظهرت منظمات تدعو الى المساواة بين الرجل والمرأة لكى يكون للمرأة حريتها وتحقيق هدفها الشخصى ولكن على حساب اشياء اخرى كثيرة فمن النجاح فى العمل الى الفشل فى البيت واشياء اخرى كثيرة

الان اذا مشيت فى الشارع من الممكن ان تسمع اشياء او ترى تصرفات اذا لم ترى وجه الذى يتحدث تعتقده ولد ولكنه بنت , بنت التطوير والتحديث ولكن بسلبية كبيرة جدا هذا هو نتيجة المساواة ………………..

المساواة ليست خطا ولا صح انما المساواة العقلانية التى لا تؤدى الى فقدان شىء او احداث تغير ولكن مع ان المساواة قامت بتغير معظم هولاء الا ان هناك البعض منهم غير ذلك لم يستعل المساواة فى شىء يضر به

فيا قوم , يا من قمتم بالمناداة بالمساواة وعرض هذه القضايا على منظمات مختلفة ومؤتمرات عدة جاء الوقت لكى تجنو ثمار ما كافحتم من اجله !!!!!!!

الغلاء اصبح مشكلة المجتمع وحديث الصباح والمساء وذلك بسبب ان الاسعار ترتفع من اليوم عن التانى لماذا لا اعرف

من التفسيرات التى لا اعرف ما صلتها بالموضوع ارتفاع سعر الحديد ما صلة الحديد بالمنتجات الزراعية والطعام لا اعرف

انا هتكلم عن الموضوع ده بنكتة قراءتها فى موقع مصراوى تشرح هذه الظاهرة وهى  

يروى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب ارتفاع سعر الزيت فطلب منها الصياد أن تشويها فاعتذرت له بسبب إختفاء الدقيق والردة من الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء تعيش حكومة مصر

لا تعليق

الانتخابات الامريكية اصبحت على صفيح ساخن هذه الايام وذلك بسبب اكتساح اوباما هيلارى فى اكثر من ولاية

الحكاية ليست فى تولى اوباما رئاسة الولايات المتحدة وتلقيبه بأول اسود يرأس البلاد

 ولكن الموضوع ماذا سيفعل هل سيسير على مخطط بوش ام ان له رأى اخر

وماذا استفعل هيلارى هى الاخرى لو فازت برئاسة الولايات المتحدة وتلقبيها هى الاخرى بأول سيدة ترأس الولايات المتحدة

هل ستفعل مثل ما فعله كيلنتون ام بوش ام ستكون لها مخطط اخر

نحن نعلم ان المصالح الصهيونية تسيطر على الانتخابات الامريكية بشكل كبير جدا وذلك بسبب مصاريف الاعلان الطائلة التى يدفعونها للمرشحين وذلك بهدف ان تكون السياسة تكون فى مصلحة الصهيونية بشكل اكبر من ان تكون فى مصلحة العرب

ارجو ان تكون السياسة القادمة ان تكون مختلفة كل الاختلاف عن سياسة بوش وساببقية ولن اقول انها تكون فى صف العرب انما ارجو ان تكون سياسة عادلة وايجابية حتى نستطيع ان نحل المشاكل القائمة التى تدخل فى منعطف قرن قائمة ولم يتم السير فيها خطوة للائمام انما نسير بها الى الوراء

الف مليون مبروك يا مصر على الى انتى عملتيه وفرحتى 75 مليون مصرى وكان ليلة بألف اليلالى

اثبتم يا رجال مصر انكم يمكن الاعتماد عليكم فى الاحتفاظ بالقب وصمودكم ولعبكم المشرف للكرة المصرية

تحياتى لكل رجل فى هذا المنتحب ومدربه القدير

يارب من انتصار الى انتصار

وهذه الصور تم التقاطها وانا فى الشارع وهى تبين مدى فرحة الجماهير بهذا الفوز

يا رب دائما من فوز ل فوز

كلمات قالها لسانى نطق بيها قلبى

قولت يا قلبى هحبه بس نسينى تانى

فقلت ليه كدا قالى مفيش غير كدا

قالى عجبك ولا تنسانى واشوف حد تانى

يقدرنى ويحبنى وميجيش يوم ينسانى

قولتله هوا انا الى نسيتك ولا نسيانك خلانى

افكر فى حد تانى وسيرتك متجيش على لسانى

فقلت يا قلبى انساه وما هيأثر فى قلبى هواه

لكن فكرت تانى ومقدرشى انسى الى خلانى

احبه واموووت فى هواه وما اقدر فى يوم انساه

لكن بغدره خلانى انساه وارجع من تانى

افكر فى غيره واقول هيرجع يوم والتانى

يقولى ملقتشى حد جمبى وهوانى قد الحب الى خلانى

اشوف الدنيا من جديد وافهمك بجد بصحيح

فقولتله جيت متاخر اوى ولقيت الى يحبنى ويهوانى

فقولتله للاسف مش هعمل زى ما انتا عملت واسيب حد حبنى وهوانى

علشان ارجع لحد ينسانى ومقدرشى على ده من تانى

……………………………………………………..……………..……………..……

ليس من العيب ان يرجع الشخص عن فكرة معينة او حدث حدث وغير تفكيره ولكن هذا كل ما حدث لى حيث شبق لى ان تكلمت عن موضوع غزة وما حدث على الحدود بيننا وبين فلسطين ولكن ما غير تفكيرى هو هذا الموضوع ولكن عليك قراءة الموضوع السابق لكى تعمل مقارنة بين الاثنين وتفهم لماذا قمت بكتابة هذا الجزء وتناولت موضوع غزة للمرة الثانية

 لا عرف ماذا يحدث هل من الصحيح ان نترك الفلسطنين على غزة محجزوين ام اننا نقوم بأدخالهم فى سيناء واستغربت ايضا من عدم دخول المنتجات الى سيناء وارتفاع الاسعار هناك وكل ذلك لا اعرف له اجابات

ولكن مع حديثى مع صديق لى قال لى شى لم اكن افهمه واعتقد ان الاغلبية منا لا نعرفه

ان ما يحدث لغزة ودخولهم سيناء الا هو مخطط اسرائيلى واضح حيث ان قامت اسرائيل بالاعلان انها سوف تمحى فلسطين ولن يكون هناك دولة تسمى فلسطين حيث ستضم غزة الى مصر والضفة الى الاردن وبعد ذلك لن يكن هناك دولة تسمى فلسطين سيكون هناك اسرائيل فقط ولكن ما فعلته الحكومة ما هو الا الصحيح كى يستقيظ هولاء الفلسطنيون ويعرفون ما يدبر له هولاء الاعداء الماكرين ولا على وعسى يدركوا مرة وحيدة فى حياتهم انه يمكر بهم ولكن …………….

علينا جميعا بمعرفأ ان ما تفعله الحكومة هو الصحيح فى عدم دخول الفلسطنيون سيناء لان اسرائيل تفكر بعمق شديد حيث انها تريد تتخلص من الفلطنيون حتى يتسنى لها الامر وتبدأ فى البلاد الجوار مصر , سوريا , الاردن وهكذا……

علينا جمعيا الاستيقاظ من كل هذا ولنعلم بأن اسرائيل تخطط بدقة شديدة لكى تفعل فعلتها تتخلص من الفلسطنيون فى مصر والاردن وتفوق من الفلسطنيون وتبدأ بنا ولنعلم ان ما يدور بين حماس والجماعات الاخرى ما هو الا مخطط اسرائيلى تجعلهم يضربون فى بعضهم البعض حتى لا يقوموا بتنفيذ عمليات داخل اسرائيل ولكى ترتاح منهم قليلا تمدهم بمجموعة من الاسلحة لكى يتخلصول من بعضهم البعض حتى يبقى منهم اقلة تبيدهم هيا وبذلك تكون قد تخلصت من الجماعات

ولكن بدى اتكلم عن ما يحدث على الحدود المصرية واعتداء الفلسطنيون على الامن المصرى ولكن لا اقول لا ( لا تعليق) بيكفى انكم دخلت البلاد وكمان بتضربوا الامن ( لا تعليق يا أشقائنا )!!!!!!!!

علينأ جميعأ بالاستيقاظ من هذا الكابوس المؤلم حتى لا نتحول او نستيقظ على شى فات مؤلم

فى الوقت الحالى يحدث ما يحدث قى غزة والكل صامت ولا يتحرك لا احد يتحرد لماذا لا ادرى اكثر من مليون ونصف فلسطينى بدون اى شى طعام ماء اسعافات لما بدر لهم من الهجمات الاسرائلية وما يحزن اكتر واكتر انهم دخلوا الى سيناء ولكن الاسف انهم دخلوا الى سيناء لا اعرف ماذا يحدث قجأة حدث نقص فى الطعام والشراب

و كل شى ولم يقف على هذه النحو بل وبسعر مرتفع ماذا يحدث لا ادرى كنت فى سلاة العشاة فى يوم ذهبت الى الجامع لكى اصلى وبعد الصلاة جاء الخطيب لكى يتكلم على هذا الموضوع وكان كلامه مقنع فقال ان ما يحدث على الساحة ما هو الا تخطيط من الاعداء يخططون لكى ننتزع من ثوب العربية الى القومية اى مصريون وسعوديون و سوريون ول يقف على ذلك بل دس روح الكراهية بينهم ايضا فحدث ان السعودى يكره المصرى ويعامله بكره شديد كل ذلك دسه العدو ونحن صامتون ولا نتكلم بل نستجيب لذلك ونتدمادى فيه الى متى سنظل لهذا ………………..

وتحدث على اننا كيف نفيد هولاء الفلسطنيون وجاء بأشياء منها :-

1- المقاطعة 2- التبرع 3- الجهاد 4- الدعاء

اولا بالنسبة للمقاطعة انه امر سهل جدا وحدث عندما حدث ما حدث وقاطعنا منتجات الدنمارك وجاء بالفائدة من وراءه ولكن شركة كشركة كوكولا قامت ببناء مستوطنة فى اسرائيل ونحن نقوم بتدعيمها بالمال لكى تقوم بذلك ومن كلامه اننا من الممكن ان نقوم بشراء المنتج الاغلى لانهم سوف يحصلون على ما يريدون ( كوكولا ) فى شكل عقوبات المهم انها عن طريق يد خفية يحصلون على ما يريدون فعلينا مقاطعة جميع المنتجات اليهودية تضامنا مع هولاء الفلسطنيون اخوتنا

ثانيا اما بالنسبة للتبرع فهو الان مفتوح فى نقابة الاطباء يقومون باستقبال التبرع وتقديم المساعدات لهولاء الفلسطنيون والله معهم فى مساعدتهم

ثالثا الجهاد فصب اننا نقوم بالجهاد الان فعليينا بجهاد انفسنا على هذه المنتجات بالمقاطعة وكذلك جهاد المال لكى نقوم بمساعدتهم .رابعا نقوم بالدعاء لهم عسى ان يفك الله كربتهم وان شاء الله ينجيهم من الوضع الحالى ذلك بالنسبة لما تم سماعاه فى المسجد ولكن حدث ايضا فى الاونة الاخيرة شى احززنى كثيرا عندما قام الاعب محمد ابو تريكة برفع قميصا واشهار رسالة الى العالم كله لكى يتضامن مع غزة قام العالم ولم يقعد لم اعرف ليه ؟؟يعبر عن رأيه ويقوم بتحريك مشاعرنا قام الجميع عليه ول يجلسوا وقاموا بتحذيره بعقوبات وقامت اسرائيل ايضا بالكتابة عن هذا الاعب وعما فعله ما قام به الاعب انه رفع قميصه فقط قامت هذه الاصوات وقام معظم الشرق الاوسط معها ما بالكم لو قمنا نحن بالتضامن معهم ادعوا الجميع بالتضامن مع غزة عسى الله ان يفرج عنهم ( اميــــــــــــــن )

اتقلب التوسل بدل لما بقى ظاهرة الى عادة ثم الى وظيفة صعب اى حتة دلوقتى متلقيش فيها متسول صراحة ديه المهنة الوحيدة الى الناس مش بتتعب منها ولا بتمل منها وشايفين شغلهم على احسن حال

من زمان وانا بسمع ان الشحاتين دول اغنياء وكدا وانا مش مصدق والى يقول ده عنده عمارة و

بيشغل بقيت فلوسه فى البورصة وناقص يقولوا انه عنده رصيد فى بنوك سويسرا !!!!!!!

المهم ان انا بقابل متسولين كتير وكدا المشكلة انى مش انى اقابلهم لاء المشكلة الطريقة الى بيستخدمهوا كان الاول ده الى انا فاكره ان الشحات ده يتكسف يمد ايده ويطلب المساعدة دلوقتى تعالى اتفرج عليه بقى حاجة اجبارية انه يأخد من فلوس يححسنى ان ده حقه بس مش عارف ايه الى

حصل الناس بتعمل كدا ليه !!!!!!!!!!

هحكيلكم على مواقف حصلت معايا انا شخصيأ :-

كنت ماشى فى الشارع وكدا ورايح الاكادمية بتاعتى فلقيت بنت صغيرة وكدا فى المهم كان فى ايدى اكل فقلتلى هات وكدا فأديتلها الى ربنا قدرنى عليه المهم وأنا راجع لقيتها واقفة قدام السوبر ماركت

وبتشرب بيبسى معلشى بقى اعذروها بتبلع

وموقف تانى كنت فى مترو الانفاق كان لمدة 6 اسابيع بنزل التحرير كنت بكون فى المترو عشان اروح من 6.30 الى 6.45 فى الحدود ديه وببقى غالبا فى اخر عربية المهم ان كل يوم من الايام ديه تقابلنى واحدة هيا هيا الى بتقابلنى كل مرة وبتوزع فى نفس الميعاد وفى نفس العربية وفى نفس الخط

فعلن حاجه غريبة جدأ

وحاجة تانية برضه حصلتلى كنت فى المترو برضه لقيت واحدة عاجزة على كرسى وكدا ربنا يشفيها ان شأء الله المهم انها واقفة قدام الباب وسادة الطريق المهم تشوف الى طالع والى نازل لو

واحدة شيك و لابسه دهب وكدا تلاقيها تقولها ساعدينى ونبى وكدا ………..

الحوار مش انها بتتطلب المساعدة لا ديه بتختار الناس الى بتشحت منهم

و الحاجة الى قابلتينى انا كالعادة بروح لصديقى فى المحكمة المهم قولت اغير مواصلتى وركبت اتوبيس الخاص الى ب 1.10 بس استغربت ان اليوم ده ب 1 بس المهم كان يوم مطر وركبت والمطر شغال والدنيا غرقانة والمطر كان شديد لقيت المحطة بعد الى ركبت منها واحدة طالعة برضه وبتتطلب المساعدة فقولت بينى وبين نفسى حتى هنا !!!!!!!!!!!!!!!!!!!

وغير كدا وكدا دلوقتى فى اى مواصلة تركبها الباعة الجأئلين بقى يطلعوا ويوزعوا عليك حاجات

ولو قولتله مش عايزها متورنيش لاء ازاى لازم تأخدها وتشوفها ولو قلتله لاء وكدا ممكن يتخانق معاك !!!!!!!

الحكاية ديه كبيرة ولازم وقفة جدا بقت صعب جدا ان وانا ماشى الاقى واحد بشوفه فى نفس اليوم فى نفس الميعاد فى نفس المكان والى يحزنى برضه ان فيه ناس بتنقى المواسم الدينية عشان تشحت

يعنى رمضان ذى الحجة وعاشورا وايام الامتحانات خلاص بقى بالمواسم !!!!!!!

وفى حاجة حصلت قعدت اضحك عليها اوى :-

كنت مروح انا وصديقى عبدالله كالعادة فى المترو المهم شفت واحد من الباعة الجائلين مقدرتش امسك نفسى جبت الى جوايا كله واحد كان جمبنا فى المترو وانا كنت حاسس انه مراقبنا من ساعت ما ركبنا المترو وودانه معانا المهم لقيته دخل فى الحوار وبيقولى انه كان عنده زمان محل صغير وبيبع فيه شوية حاجات وكان يعرف شحاته المهم بيقولى لما كنت بتزنق فى فلوس بتصل بيها تقولى عايز كام يقولها 1000 تقولوا خلاص عدى عليا وخدهم.

والحاجة الى ضحكتنى اكتر يقولولى مع انه بيستلف منها وكدا الا انها برضه بتشحت وبتاخد منه فلوس وبيقولى انها خلاص بقيت عادة فيها والحمد الله ان محطة السيدة زينب جت والمترو اتزحم لائنه كان رغاى اوى .

مش عارف اقول ايه ولا ايه بس بجد الظاهرة ديه لازم تتوقف او تتحجم الى اضيق الحدود

تايه فى الطريق مالهوش ملامح ابص يمين مش شايف ابص شمال مش شايف مش لاقى اى حاجة اهتدى عليها ابص لفوق ابص لتحت مش شايف حاجة ولا شمس ولا قمر حتى موجودين ابص للنجوم لقيتها مش منورة كل حاجة من حواليا كدا مش عارف امشى ومفيش حد جنبى كله مش وباعنى

فقولت افضل كدا لغايت ما النهار يجى وفضلت واقف مكانى يمكن الاقى حد يجى ويلاقانى واطلع من الى انا فيه عمال مستنى وافكر واليل طويل ومقدر ان ده يبقى حالى ولا شمس ولا قمر ولا نجوم ولا صاحب ولا اى حاجة ملقتشى غير انى افكر فى حالى . افكر ليه بقيت كدا لوحدى ومحتاج مساعدة ولا حد مد ايده وساعدنى مع ان غيرى كان عنده شمس وقمر ونجوم وصحاب وكنت بساعده واقعدت افكر فى حالى ملقتشى ان الى كنت بعمله ده كله كان غلط وان اعيش لنفسى احسن ما اعيش لغيرى الى هوا مشى وباعنى ومن كتر الى فيه اقعدت ابكى وابكى قلت ده الى هيريحنى ولقيت نفسى عايز انام فقلت انام لغايت لما الشمس تتطلع فنمت وبرضه بفكر فى حالى هوا انا كدا صح ولا غلط فملقتشى غير ان ادعى ربنا عشان يهدينى للطريق الصح وصحيت من الى انا فيه . لقيت كل الى باعونى بيقولولى انتا كنت فين وليه مش بتسأل قولتلهم كنت فى حالى زى ما كنتم فى حالكم ولا كنتوا عايزنى ابقى فى حالكم وما افكر فى حالى